ലോകകപ്പിലെ നാലാം മത്സരത്തിൽ ആദ്യം ബാറ്റു ചെയ്ത് 330 റൺസ് നേടിയ ഇന്ത്യയ്ക്കെതിരെ, നിലവിലെ ചാംപ്യൻമാരായ ഓസ്ട്രേലിയയ്ക്ക് 3 വിക്കറ്റ് ജയം.

13/10/25

വിശാഖപട്ടണം ∙ വനിതാ ലോകകപ്പിലെ തങ്ങളുടെ ഏറ്റവും മികച്ച ടീം ടോട്ടൽ, വനിതാ ഏകദിനത്തിൽ മുൻപ് ഒരു ടീമും കീഴടക്കിയിട്ടില്ലാത്ത വിജയലക്ഷ്യം... ഉജ്വല പ്രകടനത്തിലൂടെ ബാറ്റർമാർ നേടിയതെല്ലാം ഇന്ത്യൻ ബോളർമാർ എറിഞ്ഞു തുലച്ചു. ലോകകപ്പിലെ നാലാം മത്സരത്തിൽ ആദ്യം ബാറ്റു ചെയ്ത് 330 റൺസ് നേടിയ ഇന്ത്യയ്ക്കെതിരെ, നിലവിലെ ചാംപ്യൻമാരായ ഓസ്ട്രേലിയയ്ക്ക് 3 വിക്കറ്റ് ജയം. സെഞ്ചറി നേടിയ ക്യാപ്റ്റൻ അലിസ ഹീലിയുടെ ഇന്നിങ്സാണ് (142) വനിതാ ഏകദിന ചരിത്രത്തിലെ റെക്കോർഡ് റൺചേസിലേക്ക് ഓസീസിനെ നയിച്ചത്. സ്കോർ: ഇന്ത്യ–48.5 ഓവറിൽ 330 ഓൾഔട്ട്. ഓസ്ട്രേലിയ– 49 ഓവറിൽ 7ന് 331.