ഇറാൻ സംഘർഷത്തിനിടെ ഇറാഖിൽ യുഎസ് സൈനിക വിമാനം തകർന്നു; ആറുപേർ കൊല്ലപ്പെട്ടു

13/03/2026

Ramzun

പശ്ചിമ ഇറാഖിൽ യുഎസ് വ്യോമസേനയുടെ ബോയിംഗ് കെസി-135 സ്ട്രാറ്റോടാങ്കർ തകർന്നുവീണ അപകടത്തിൽ ആറു സൈനികർ കൊല്ലപ്പെട്ടതായി യുഎസ് സെൻട്രൽ കമാൻഡ് സ്ഥിരീകരിച്ചു. മിഡിൽ ഈസ്റ്റിൽ ഇറാനുമായി സംഘർഷം ശക്തമായ സാഹചര്യത്തിലാണ് ഈ സംഭവം ഉണ്ടായത്. വിമാനത്തിലുണ്ടായിരുന്ന ശേഷിക്കുന്ന രണ്ട് ജീവനക്കാരെ കണ്ടെത്തി രക്ഷപ്പെടുത്തുന്നതിനായി തിരച്ചിൽ തുടരുകയാണ്. അപകടത്തിന്റെ യഥാർത്ഥ കാരണം ഇപ്പോഴും വ്യക്തമായിട്ടില്ലെന്ന് യുഎസ് സൈന്യം അറിയിച്ചു. ഇറാന്റെ ആക്രമണമാണ് വിമാനപതനത്തിന് കാരണമെന്ന അവകാശവാദം അമേരിക്ക തള്ളിക്കളഞ്ഞിട്ടുണ്ട്. സംഭവത്തെക്കുറിച്ച് വിശദമായ അന്വേഷണം പുരോഗമിക്കുകയാണെന്നും മരിച്ച ഉദ്യോഗസ്ഥരുടെ പേരുകൾ അവരുടെ കുടുംബങ്ങളെ അറിയിക്കുന്നതുവരെ 24 മണിക്കൂർ രഹസ്യമായി സൂക്ഷിക്കുമെന്നും സെൻട്രൽ കമാൻഡ് അറിയിച്ചു.