ഇന്ത്യ സുഹൃത്ത്, ശുഭവാർത്ത വഴിയേ കേൾക്കാമെന്ന് ഇറാൻ; ഇന്ത്യൻ കപ്പലുകൾ പ്രതിസന്ധിയില്ലാതെ ഹോർമുസ് കടക്കും?

ന്യൂഡൽഹി: ഹോർമുസ് കടലിടുക്ക് വഴി ഇന്ത്യൻ കപ്പലുകൾ കടന്നുപോകുന്നത് സംബന്ധിച്ച് മണിക്കൂറുകൾക്കകം ശുഭകരമായ വാർത്തകൾ കേൾക്കാമെന്ന് ഇറാൻ അംബാസഡർ. മാധ്യമങ്ങളോട് സംസാരിക്കുമ്പോഴായിരുന്നു ഇന്ത്യയിലെ ഇറാൻ പ്രതിനിധി മൊഹമ്മദ് ഫത്താലി ശുഭകരമായ വാർത്തകൾ ഉടൻ കേൾക്കാമെന്ന സൂചന നൽകിയത്. ഇന്ത്യ ഇറാന്റെ സുഹൃത്താണെന്ന് പറഞ്ഞുകൊണ്ടായിരുന്നു ഇന്ത്യൻ കപ്പലുകളുടെ കാര്യത്തിൽ ഉടൻ തീരുമാനമുണ്ടാകുമെന്ന് മൊഹമ്മദ് ഫത്താലി പറഞ്ഞത്. ഇന്ത്യയും ഇറാനും ഒരേ താത്പര്യങ്ങളാണ് കൈക്കൊള്ളുന്നത് എന്നും ഫത്താലി പറഞ്ഞു. സഹകരണവും സുഹൃത്ത്ബന്ധവും വഴി ഉടലെടുക്കപ്പെട്ടതാണ് ഇറാൻ-ഇന്ത്യ ബന്ധം. യുദ്ധം ആരംഭിച്ചതിന് ശേഷം ഇന്ത്യ പല രീതിയിൽ ഇറാനെ സഹായിച്ചിട്ടുണ്ട് എന്നും ഫത്താലി പറഞ്ഞു.